سياسة الخصوصية

• حسابك: إيميلك واسمك. إذا دخلت بحساب قوقل، ناخذ من قوقل اسمك وإيميلك وصورتك بس، وما نشوف كلمة مرورك.
• محادثاتك: رسائلك وردود JOY.ai، والصور اللي تولّدها. تنحفظ عشان ترجع لها وتكمّل منها.
• محفظتك: سجل الخصم والإرجاع، عشان نحسب اللي باقي لك صح.
• إذا جرّبت بدون حساب: نحط في متصفحك كوكي فيه رقم عشوائي، ونعدّ عليه رسائل التجربة. عنوان الـ IP ما نحفظه نفسه؛ نحفظ نسخة مشفّرة منه تتغير كل يوم، عشان نوقف الاستخدام المبالغ فيه. رسائل التجربة ما تنحفظ، والصورة تنحفظ عشان تقدر تفتحها وتحمّلها.

عشان يطلع لك الرد، رسالتك تروح لجهات تشغّل الخدمة معنا:

• OpenRouter: وسيط يوصل رسائلك ووصف الصور لنماذج الذكاء الاصطناعي، ويرجّع الرد.
• Google: نماذج Gemini هي اللي تكتب الردود وترسم الصور.
• Exa: إذا سألت عن شي يتغير (الطقس، الأخبار، الأسعار، المباريات، مواقيت الصلاة)، نبحث في الإنترنت ونرسل سؤالك لمحرك البحث هذا.
• Supabase: فيه قاعدة البيانات وتخزين الصور، وسيرفراته في فرانكفورت بألمانيا.
• Vercel: يستضيف الموقع نفسه.

يعني بياناتك تنتقل وتنحفظ خارج المملكة. ما نبيع بياناتك، وما نشاركها مع المعلنين، وما ندرّب أي نموذج على محادثاتك.

نستخدم كوكيز ضرورية بس: كوكي تسجيل الدخول عشان تظل داخل حسابك، وكوكي التجربة للزوار (يبقى سنة). ما نستخدم كوكيز إعلانات ولا تتبّع.

تقدر تحذف أي محادثة من القائمة الجانبية، وتنحذف صورها معها من التخزين. وحسب نظام حماية البيانات الشخصية في المملكة، من حقك تعرف وش عندنا عنك، وتاخذ نسخة منه، وتصحّحه، وتطلب حذف حسابك كامل.

حذف الحساب كامل ونسخة البيانات للحين بالطلب: راسلنا على joyai.support@gmail.com من نفس الإيميل المسجّل في حسابك.

نحدّث هذي الصفحة ونغيّر تاريخها فوق. وإذا كان التغيير كبير، نعلمك داخل المنصة قبلها.